X’dixxiplina? Ara lil min tahtar u ma tigix bzonn dixxiplina!

18 Feb X’dixxiplina? Ara lil min tahtar u ma tigix bzonn dixxiplina!

Kull meta xi hadd jipprova jaghti impressjoni li r-Riforma dwar hatriet/dixxiplina/tnehhija tal-Gudikanti, f’dan l-pajjiz torigina min  x’imkien iehor hlief mill-Mozzjoni Privata tieghi dwar Riformi Magguri fil-Gustizzja u Intern tat-8 ta’ Novembru 2011 (1), mhux biss ikun qed jinsulta l-intelligenza ta’ poplu shih u jqarraq,  izda wkoll u hafna aghar minn hekk ikun qed jaghmel dak li qal George Orwell :

”The most effective way to destroy people is to deny and obliterate their own understanding of their history.”

Huwa ta’ unur ghalija li l-istess proposti gew mehuda on board minn Rapport sussegwenti, li hu stess jindika li dawn l-proposti joriginaw minn band’ ohra. L-memorja kollettiva ta’ poplu, l-istorja tieghu hija wahda mill-eghzez elementi li jsawru kull nazzjon. Min jinsulta din l-memorja kollettiva jkun qed jaqleb Malta ta’ taht fuq.

Inoltre kif jirrizulta mill-bran hawn kwotat qatt ma qbilt u ma naqbilx li jkollok xi Sistema ta’ dixxiplina tal-gudikanti li tistmahom qishom tfal  tal-kindergarten, Sistema li ma tiswa’ ghalxejn hlief biex tnaqqas r-rispett lejn l-Qrati.

L-principju ghandu jkun – Oqghod attent lil min tahtar u ma tigix bzonn dixxiplina!

Private Members’ Motion – Parlament ta’ Malta -Mozzjoni 260 – Mozzjoni Dwar il-Qasam tal-Gustizzja -Mozzjoni tal-Onor.Franco Debono – Seduta 489 – 12/6/12

 “Rigward il-mekkaniżmu tad-dixxiplina, filwaqt li għandek l-indipendenza tal-ġudikatura, nemmen li l-punt kruċjali hawnhekk huwa l-kompożizzjoni. L-Italja għandhom il-Consiglio Superiore della Magistratura, u jkun tajjeb jekk wieħed iħares ftit anke lejn dak il-mudell u jara kif jaġixxu short of impeachment. L-ewwel nett jiena nemmen li l-mument kruċjali huwa meta taħtar ġudikant.  Jekk l-għażla tkun tajba, il-ġudikant mhux talli ma jagħtikx problemi fil-kors tal-karriera tiegħu u fil-qadi tad-doveri tiegħu, talli jagħtik xogħol, kif fil-fatt jagħmlu ħafna mill-ġudikanti bl-akbar reqqa u bl-akbar serjetà.  Aħna m’għandniex xi korp ta’ ġudikanti running into hundreds jew thousands u għalhekk m’għandux ikun diffiċli li nagħmlu l-għażliet tajbin u lanqas għandu jkollna għalfejn nirrikorru għall-proċeduri ta’ dixxiplina u impeachments. Fil-korp tal-ġudikanti tagħna għandna 40 ġudikant u rrid ngħid li nemmen li wasal iż-żmien li nżidu dan in-numru. “

(1)Mozzjoni Privata prezentata fil-Parlament f’Novembru 2011, li minnha joriginaw l-proposti dwar hatra/dixxiplina/tnehhija gudikanti, liema proposti gew mehuda on board f’Rapport sussegwenti fl-2013:

11.  reviżjoni tal-ammont ta’ snin, u l-esperjenza rikjesti għal ħatra tal-­ġudikanti, kif ukoll il-proċedura kollha kemm hi tal-mod tal-­għażla, u l-età tal-irtirar, flimkien mal-kundizzjonijiet tax-xogħol tal-ġudikanti;

12.  eżami bir-reqqa tal-konsegwenzi tal-eżitu tal-aħħar proċedura ta’ impeachment, tal-effikaċja ta’ dan il-mekkaniżmu u l-Kummissjoni għall-Amministrazzjoni tal-Ġustizzja kif jeżisti fil-preżent, bħala check and balance kostituzzjonali ta’ importanza, u jekk hemmx bżonn ta’ reviżjoni;