L-karattru altament skifuz ta’ Pawlu Lia

23 Jan L-karattru altament skifuz ta’ Pawlu Lia

Ghaxar snin ilu fformulajt r-riforma tal-gustizzja – www.riformagustizzja.com. F’pajjiz u f’settur gudizzjarju altament konservattiv u tradizzjonalment kontrollat minn ftit dinastiji l-Bambin biss jaf minn xiex ghaddejt biex irregalajt lil dan l-pajjiz riforma tal-gustizzja u biex day in day out kelli privilegg u unur niddefendi d-drittijiet t’eluf ta’ nies fl-awli tal-qrati. Xi darba nghidilkom.

Kont jien li sibt l-marda fil-gustizzja u kont jien li sibt l-medicina. Vanni Bonello kkonferma u Bonnici implimenta.

Pero’ llum dak issa ghadda. L-kbir sar u issa illum fil-present l-problema mhix riformi legali izda l-presenza ta’ fenomeni fis-sistema li jrendu irrelevanti hafna mir-riformi li qatt jistghu isiru.

Pawlu Lia huwa wiehed minn dawn l-problemi

Xbajt sieket u se nitkellem ghax s-sitwazzjoni se taqbad tiddegenera. Kelli kuragg nohodha kontra amministrazzjoni Nazzjonalista u kelli ragun kif jaf kulhadd u ghandi kuragg iktar issa. Minix se nibza’.

Nibdew bicca bicca. Pawlu Lia jokkupa karigi ta’ natura politika u bhala tali huwa suggett ghal kritika. Pawlu Lia jokkupa karigi gholjin fl-amministrazzjoni tal-gustizzja, inkluz fejn jghaddi gudizzju fuq n-nies.

Nibdew bil-facli. Jekk wiehed ihares lejn l-plakka mal-ufficcju tieghu fiha snapshot ta’ min hu Pawlu Lia. Kwazi tad-dahq kif f’ufficcju jismu Sciberras & Lia m’hemm hadd kunjomu Sciberras.

Ovvjament Sciberras hemmekk tirreferi ghal illustri u bravissimu ex-Imhallef Philip Sciberras li ilu nieqes minn dak l-ufficju madwar hmistax-il sena. It-tfal ta’ Philip, tliet avukati altament kompetenti qatt ma hadmu f’dak l-ufficcju u ghandom l-ufficcju taghhom ftit ‘l boghod.

L-ahhar zmien li xi hadd bil-kunjom Sciberras hadem f’dak l-ufficcju ilu hmistax-il sena. L-avukati Sciberras ghandhom l-ufficju prestigjuz taghhom u d-dicerija prevalenti hi li m’huma kuntenti xejn li kunjomhom qieghed fuq dik l-plakka tal-ufficcju ta’ Pawlu Lia. Naghmilha cara li ma tkellimt ma hadd minnhom qabel ktibt hawnekk pero ghandi informazzjoni ta’ min jorbot fuqha.

Dik l-plakka m’ iliex li saret ghax t-tifel tieghu ( li m’ghandi assolutament xejn kontrih) m’ilux avukat u zgur li gradwa hafna snin wara li Philip Sciberras waqaf jahdem f’dak l-ufficcju.

Allura jekk m’hemm hadd Sciberras jahdem f’dak l-ufficcju u l-ahhar darba li kien hemm xi hadd Sciberras ilu hmistax-il sena pero llum dak ghandu ufficcju separat ghaliex l-ufficcju jismu Sciberras & Lia ?

Issa dan kif igib ruhu ma’ ex partner tieghu, ex Imhallef rispettat minn kulhadd u avukat illustri. Dan huwa l-karattru ta’ Pawlu Lia.

Kull gudikant li hemm l-qorti jaf li f’kaz ta’ dixxiplina irid jigi gudikat minn Pawlu Lia. L-karattru ta’ Pawlu Lia kulhadd jaf x’ inhu gahx l-fama tieghu timxi qablu.

Pawlu Lia huwa l-avukat tal-Prim Ministru.

Ghal min mhux jifhem – tinkwetax – baqa’ hafna.