Il-Kostituzzjoni hija taghna lkoll

23 Mar Il-Kostituzzjoni hija taghna lkoll

Bhal-lingwa, il-bandiera u l-Innu Nazzjonali, il-Kostituzzjoni hija wahda mis-simboli l-aktar qawwija tal-ghaqda nazzjonali, ta dak li jsawwar l-identita u l-kultura taghna bhala nazzjon, bhala poplu wiehed maghqud, minkejja li b’hafna opinjonijiet differenti.

Nibda ninkwieta kieku ma kienx hekk – r-rikkezza ta’ socjeta hija l-varjeta tal-opinjonijiet u l-qawsalla ta’ ideat differenti li jsawruha, pero’ fuq kollox ghandha ssaltan l-ghaqda.

F’dan is-sens il-Kostituzzjoni hija TAGHNA LKOLL. Ilni snin nimbotta sabiex kull familja jkollha kopja tal-Kostituzzjoni ta’ Malta sabiex l-poplu taghna jkun aktar familjari ma’ din l-aktar Ligi importanti ta’ kull pajjiz, u sabiex nghozzu aktar dak li jghaqqadna, u sabiex nifhmu ahjar l-bzonn urgenti, li issa  se jkun qed jigi indirizzat, illi l-Kostituzjoni taghna tigi aggornata sabiex tirrifletti r-realtajiet u l-htigijiet tas-socjeta taghna illum.

Ninsew id-differenzi – infittxu dak li jghaqqadna – tajjeb li jkollna l-opinjonijiet differenti pero fuq kollox l-Kostituzzjoni hija TAGHNA LKOLL.