Fuq min ghandu jiffaccja l-konsegwenzi ta ghemilu u fuq management politikament inaccettabli

04 Sep Fuq min ghandu jiffaccja l-konsegwenzi ta ghemilu u fuq management politikament inaccettabli

Lawrence ‘DCG’ Gonzi qed jipprova jibni hajt bl-intenzjoni li  jibqa diehel go fih sabiex imbaghad iwahhal fil-hajt. Lawrence ‘DCG’ Gonzi irid iwahhal f’xi hadd ghall-isbalji tieghu u allura qed jibni hajt biex ikollu f’min iwahhal, meta hu stess ikun bnieh u hu stess ikun saq b’kemm ghandu sahha ghal go fih!

Jekk qed jippretendi li l-hajt li bena hu stess se jwarrablu, qed jgharralu! Il-problemi holoqhom hu stess.

Peress illi l-Prim Ministru dan l-ahhar qieghed ripetutament jiddikjara kwazi f’kull okkazjoni, illi kulhadd ghandu jiffaccja l-konsegwenzi ta ghemilu, u peress illi lili personali ghaddieni minn martirju sempliciment ghax ma mxejtx skont il-whip meta dan il-Parlament ghadda vot ta sfiducja fil-konfront tal-Ministru Carm Mifsud Bonnici minhabba d-dizastru fil-qrati, fil-pulizija, fil-habs kif ukoll fil-qasam tal-immigrazzjoni liema istituzzjonijiet kienu qed jkunu protagonsisti ta’ incidenti negattivi inkluz mwiet u traffikar ta drogi fil-habs, mwiet ta suspettati waqt l-arrest, ksur ta drittijiet fundamentali, nuqqas ta drittijet inkluz dritt t’assocjazjoni lil membri tal-Korp tal-Pulizija, nuqqas kbir ta sigurta fil-Qrati, fejn sahansitra persuna giet mixlija li wettqet tentattiv t’omicidju volontarju go awla tal-qorti, kif ukoll kritika harxa  u sitwazzjoni mwieghra fil-qasam tal- immigrazzjoni, minn organizzazzjonijiet internazzjonali u lokali kif ukoll minn persuni li jahdmu fil-qasam u l-immigranti nfushom u dan ma kienx  politikament accettabli;

Peress illi qed jemergi preokupazzjoni, dwejjaq jekk mhux rabja kbira minn membri ewlenin  tal-professjoni medika, inkluz mill-aktar konsulenti rispettati u ta’ integrita kbira, li ilhom snin twal jipprestaw is-servizzi taghhom fil-qasam tas-Sahha f’dan il-pajjiz, li possibilment huma indikazzjoni ta rabja generali fil-qasam mediku ghat-tmexxija tal-Ministru Joe Cassar, kif ukoll preokkupazzjoni, dwejjaq jekk mhux ukoll rabja kbira mill-pubbliku in generali peress illi l-problemi ta nuqqas ta spazju fl-isptar, problemi fl-emergenza u fil-waiting lists qed ikunu trattati b’pass ta’ nemla u dan ma huwiex politikament accettabli;

Peress illi m’huwiex politikament accettabbli illi certi mizuri illi jkunu jistghu jittiehdu, jew sitwazzjonijiuet jigu rimedjati qabel, jithallew ghal lejlet l-elezzjoni ghal kapricci ta skopijiet elettorali b’dannu u pregudizzju ghall-pubbliku in generali;

 Peress illi jiena bhala deputat elett mill-poplu m’inix delegat tal-partit li f’ismu gejt elett, izda rapprezentant tal-poplu elett f’isem partit politiku, liema distinzjoni qed tkun ofuskata minhabba l-fatt li l-partiti politici u l-finanzjament taghhom f’Malta illum 2012, ghdhom mhux regolati minkejja s-sejhiet ripetuti tal-GRECO u minkejja li jien prezentajt abbozz f’dan il-Parlament li baqa’ fuq l-ixkaffa u peress illi l-lealta lejn il-Partit mhijiex xi mezz sinistri kif ministri jistriehu fuq din il-lealta’ biex jabbuzaw minnha u jghaddu bhal romblu minn fuq kulhadd inkluz il-Parlament u l-Poplu;

Peress illi dan il-Parlament huwa suprem u ghandu mhux biss id-dritt, izda l-obbligu li jiskrutinja l-operat tal-ministri mahtura mil-Prim Ministru inkluz li jghaddi vot ta sfiducja fil-konfront ta ministru jew tal-gvern, u peress illi kull ministru ghandu l-obbligu jaghti rendikont ta’ ghemilu quddiem dan il-Parlament u ghandu jiffaccja l-konsegwenzi ta ghemilu inkluz ta imgieba u  mismanagement li jkun politikament inaccettabli u li ggib maghha responsabbilta politika;

Peress illi jezistu problemi kbar fit-tmexxija tal-qasam tas-Sahha f’dan il-pajjiz kif jemergi minn stejjer ta’ kuljum fil-mezzi tax-xandir u kif se jirrizultaw mid-dibattiment ta din il-mozzjoni inkluz illi ricentement gew svelati dettalji u fatti dwar proceduri quddiem Bord ta Ghazla ta konsulenti medici li kien mittiefes b’irregularitajiet serji, tant illi r-rizultat spicca gie annullat u dan ma huwiex politikament accettabli u jgorr mieghu responsabbilta politka;

Peress illi in generali tezisti emergenza kbira fis-sitwazzjoni tal-ambulanzi kif irrizulta ricentement minn incident li sehh fil-Gudja nhar l-Assunta, u kif se jirrizulta fl-istadju tad-dibattiment ta din il-mozzjoni frott ta mismanagement u nuqqas ta vizjoni, u illi wiehed m’ghandux jistenna li tintilef xi hajja biex jikkunsidra s-sitwazzjoni bhala wahda allarmanti ;

Peress illi f’dawn l-ahhar granet saru rivelazzjonijiet allarmanti mil-Profs Stephen Brincat, fejn mhux biss semma indhil politiku serju fix-xoghol tal-konsulenti kif ukoll  nuqqasijiet serji mid-Dipartiment tas-Sahha, inkluz izda mhux biss l-argument li kien hemm pressjoni biex is-servizz tal-kemoterapija f’Ghawdex jigi introdott b’mod li possibilment kien diga wassal ghal xi mwiet xi snin ilu, u ghaldaqstant fuq bazi ta esperjenza precedenti l-Profs Brincat hass li dan ghandu jirrezistih;

Ghaldaqstant  tenut kont tad-duttrina tal-individual ministerial responsibility, kif ukoll tenut kont tad-dikjarazzjoni ripetuta tal-Prim Ministru illi kulhadd ghandu jiffaccja l-konsegwenzi ta ghemilu, ghaldaqstant din il-Kamra ghanda tirrisolvi illi minhabba dawn i-ragunijiet u diversi ohrajn li se jirrizultaw dettaljatament fl-istadju tad-dibattiment ta din il-mozzjoni li ghalihom il-Ministru Joseph Cassar huwa politikament responsabbli, l-istess Kamra ghandha tirrisolvi illi ghal dawn ir-ragunijiet m’ghandiex fiducja fil-Ministru Joseph Cassar li ghandu jkun censurat ghal dawn in-nuqqasijiet u li ghandu ghaldaqstant jirrizenja.